చంద్రబాబు నాయుడు, పవన్ కల్యాణ్ భేటీ నేపథ్యంలో జనసేనకు 25-28 అసెంబ్లీ సీట్లు మాత్రమే కేటాయించే అవకాశం ఉందని వార్తలు వస్తున్నాయి. ఈ వార్తలు నిజమైతే, జనసేనకు చాలా ఇబ్బందులు ఎదురవుతాయని అనిపిస్తుంది.
జనసేన నేతలు, కాపు సామాజికవర్గంలోని పవన్ మద్దతుదారులు 50-60 సీట్ల మధ్య అంచనా వేస్తున్నారు. పవన్ తక్కువలో తక్కువ 50 సీట్లు తీసుకోవాల్సిందే అని గట్టిగా చెబుతున్నారు. చంద్రబాబు ఇచ్చే సీట్లకు పవన్ అంగీకరిస్తే చాలా ఇబ్బందులు ఎదురవుతాయని కూడా హెచ్చరిస్తున్నారు.
గౌరవప్రదమైన సీట్లు అంటే 50కి తక్కువ కాకుండా తీసుకుంటేనే కాపుల ఓట్లు టీడీపీకి బదిలీ అవుతాయని హెచ్చరిస్తున్నారు. అలాకాకపోతే కాపుల ఓట్లు టీడీపీకి బదిలీ కావని కాపు ప్రముఖులు బహిరంగంగానే పవన్‌కు వార్నింగ్ ఇస్తున్న విషయం తెలిసిందే.
టీడీపీ ఇచ్చే 25-28 సీట్లను మహాప్రసాదంగా తీసుకుని కష్టపడి పనిచేసి చంద్రబాబును ముఖ్యమంత్రిని చేయాలా అంటు ఇప్పటికే కాపుల్లో గోల పెరిగిపోతోంది. తీసుకునేదే 25-28 సీట్లయితే ఇందులో జనసేన ఎన్ని గెలుస్తుందనే చర్చ పార్టీలో పెరిగిపోతోంది. కాబట్టి పోటీ చేసే సీట్లు గౌరవప్రదంగా లేకపోతే జనసేన గెలిచే సీట్లు కూడా అలాగే ఉంటాయని జనసైనికులు గోల మొదలుపెట్టేశారు. మరి చివరకు పవన్ ఏం చేస్తారో చూడాలి.
జనసేనకు ఈ పరిస్థితి నుండి బయటపడటానికి కొన్ని మార్గాలు..
చంద్రబాబుతో చర్చలు జరిపి సీట్ల సంఖ్యను పెంచుకోవడానికి ప్రయత్నించడం. బీజేపీతో పొత్తు పెట్టుకుని, ఆ పార్టీ నుండి మరింత సీట్లు కేటాయించుకోవడం. స్వతంత్రంగా ఎన్నికలకు వెళ్లడం. ఏ మార్గం ఎంచుకున్నా.. జనసేనకు ఈ ఎన్నికలు చాలా కీలకమైనవి. ఈ ఎన్నికల్లో జనసేన ఎంత బలం చూపుతుందో దానిపైనే పార్టీ భవిష్యత్తు ఆధారపడి ఉంటుంది.