టీడీపీ అధ్యక్షుడు నారా చంద్రబాబు నాయుడిపై ప్రధాని నరేంద్ర మోడీకి ఏ మాత్రం నమ్మకం లేనట్లుంది. టీడీపీ, జనసేన కూటమిలో బీజేపీ మొక్కుబడిగా మాత్రమే చేరినట్లు కనిపిస్తోంది. ఆంధ్రప్రదేశ్ రాష్ట్రంలో బీజేపీకి వచ్చేది లేదు, పోయేది లేదు కాబట్టి పొత్తుకు అంగీకరించినట్లు అనుకోవచ్చు. ఎన్నికల ప్రచారంలో బీజేపీ నేతలు పెద్దగా చంద్రబాబుతో కలిసి పాలు పంచుకోవడం లేదు. కూటమి మేనిఫెస్టోను విడుదల చేసిన సమయంలో చోటు చేసుకున్న పరిణామాలు బీజేపీ అనాసక్తిని స్పష్టంగా తెలియజేస్తున్నాయి.