ఇచ్చిన హామీలను అమలు చేయడం టీడీపీ అధ్యక్షుడు నారా చంద్రబాబు నాయుడి జాతకంలో లేదు. ప్రస్తుత ఎన్నికల్లో కూటమి పేరున మేనిఫెస్టోను జనసేన అధ్యక్షుడు పవన్ కల్యాణ్తో కలిసి ఇటీవల విడుదల చేశారు. మేనిఫెస్టోలో ఆయన హామీల వర్షం కురిపించారు. వాటిని అమలు చేస్తే రాష్ట్ర బడ్జెట్ దాటిపోయేంత ఖర్చు అవుతుంది. ఏ మాత్రం ఆలోచన లేకుండా చంద్రబాబు ఆ హామీలు ఇచ్చారంటే అమలు చేయడానికి కాదనేది అందరికీ అర్థమవుతూనే ఉంది. నిరుద్యోగ భృతినే తీసుకుందాం.