మొదటి తారీఖు వచ్చింది. కానీ పింఛ‌న్లు రాలేదు. వలంటీర్లు రాలేదు. పింఛ‌న్లు ఇవ్వలేదు. ఇది ప్రస్తుతం పెన్షన్ లబ్ధిదారుల పరిస్థితి. ప్రతి నెలా మొదటి తారీఖు రాగానే వచ్చి ఆప్యాయంగా పలకరించే వలంటీర్లు ఈ నెల రాలేదు. చేతికి డబ్బులు రాకపోవడంతో సరుకులు, మందులు కొనే పరిస్థితి లేక పింఛనుదారులు ఇబ్బందులకు గురవుతున్నారు. పింఛన్లు తీసుకోవాలంటే బ్యాంకులకు వెళ్లి పడిగాపులు కాయాల్సిన పరిస్థితి ఏర్పడింది. మండుటెండల్లో బ్యాంకులకు వెళ్లలేక వృద్ధులు, దివ్యాంగులు కష్టాల పాలవుతున్నారు.